Umkhankaso we-UNESCO eDNA sampling

iSimangaliso Wetland Park njengendawo edumile enemvelo ehlukahlukene kanye nokuba indawo yokuqala eNingizimu Afrika elondoloza amagugu omhlaba sibambe iqhaza kumkhankaso owenziwa inhlangano eyaziwa ngokuthi yi-UNESCO obizwa ngokuthi i-UNESCO eDNA (Environmental DNA) sampling campaign. Lolu hlelo lwezobusayensi lwenziwa umhlaba wonke futhi luzosiza ukubheka izilwane eziphila emanzini kanye nokubheka ukuthi ukuguquka kwesimo sezulu kuba namthelela muni ekusabalaleni kwazo lezo zilwane kuzo zonke izindawo ezilondoloza amagugu omhlaba. Uhlelo lweSimangaliso Wetland Park olwaziwa ngokuthi yi-Environmental Education and Awareness Program ngokubambisana nezikole ebezikhethiwe kulezi ezingomakhelwane nePaki bahlanganyele ndawonye ukuthatha amasampula echwebeni lase-St. Lucia, olwandle (Ingwe beach), ulwandle lwase-Mission rock, Sodwana Bay kanye nase Kosi Bay.